Hövzə Xəbər Agentliyinin müxbirinin verdiyi məlumata görə, ölkə üzrə Elmi Hövzələrin rektoru, Ayətullah Əlirza Ərafi, Qum şəhərində hövzələrin təhsil müaviniyyətinin təşkilatçılığı ilə keçirilən “istedadlı şagird və müəllimlərin görüşündə” iştirak edərək problemlərin həlli yoluna toxunub. Ayətullah Ərafi qarşıdan gələn münasibətlərlə bağlı öz təbriklərini çatdıraraq bildirib: Biz Allah-Təaladan İslam bayrağının ucalığını, İslam İnqilabının günbəgün artan şöhrətini və Ali Məqamlı Rəhbərimizin sağlamlığını diləyirik. İnşallah biz hər birimiz İslamın və İslam İnqilabının layiqli əsgərləri ola bilək.
Baxın:
Ayətullah Əlirza Ərafinin şagird və müəllimlər ilə keçirdiyi görüşünün şəkilləri
Elmi Hövzələrin rektoru əlavə edib: Elmi Hövzə Ali Məqamlı Rəhbər tərəfindən təqdim olunan inkişaf etmiş hövzə anlayışına tam sadiqdir və qeyd etmək istəyirəm ki, əks olunan iki vəziyyət mövcuddur: Biri uğurlu və uzun proqramlarla işlərini həyata keçirən hövzə, digəri isə bu layihə üzrə çalışmayan hövzədir və burada bir sıra görüləcək işlər mövcuddur. Bu layihənin həyata keçirilməməsinin səbəbi isə dünya və İranda olan mövcud vəziyyətinin dəyişməsidir.
Ayətullah Ərafi qeyd etdi: Həqiqətləri görməli, planlaşdırmalı və heç bir şeyin ziyanı tanımaq və onu aradan qaldırmaq üçün səyləri dayandırmasına imkan verməməliyik. Əgər mümkündürsə, qarşıda duran zərərlərin qarşısını almaq üçün tədbirlər görülməlidir.
Elmi Hövzələrin rektoru, din xadimlərinin xüsusi vəziyyətlərinə diqqət çəkərək bildirib: Din xadimlərinin və dini təhsil ocaqlarının vəziyyəti həm inkişaf etmiş və təsirli, həm də olduqca zərif və ona olan tənqidlərlə müşayiət olunur. Xüsusilə son iki il ərzində elə hallar baş verib ki, demək olar ki, əsrlər boyu buna bənzəri hallar müşahidə edilməyib.
Ayətullah Ərafi inqilabçı hövzəsinin xüsusiyyətlərini izah edərkən deyib: İnqilabçı hövzə dedikdə, gələcəkdə qarşılaşacağı çətin və mürəkkəb şəraitə qarşı qətiyyətli, müdrik, uzaqgörən və qorxu bilməyən hövzə nəzərdə tutulur və bu isə müdrik və təcrübəli kollektivlərin işidir.
Elmi Hövzələrin rektoru əlavə etdi: Elmi Hövzə mövcud məsələlərə uyğun olaraq, son illərdə Ali Məqamlı Rəhbərin və böyük mərcəyi-təqlidlərin göstərişlərinə əsaslanaraq planlaşdırma aparmış və bu göstərişlər əsasında əsas və mühüm tədbirlər həyata keçirilməyə çalışılmışdır.
Ayətullah Ərafi sözlərinə davam edərək bildirib: İşimizin ilk illərində mərkəzləşdirilmiş şəkildə əsas sənədlərin hazırlanmasına diqqət yetirilmişdir və adi fəaliyyətlərin yanında hövzənin əsas və ali sənədləri sistemləşdirilmişdir. Bu sənədlərə əsaslanaraq beşillik sınaq proqramı hazırlanmış və tənzimlənmişdir, bu il isə bu proqram başa çatmış və ikinci beşillik mərhələyə başlanmışdır. Bu proqramlar daxilində 100-dən çox vacib tədbir planlaşdırılmışdır ki, bunlardan ən azı 50-si yenilikçi, mühüm və transformativ xarakter daşıyır.
Hövzələrin Ali Şurasının üzvü qeyd edib: Bu yanaşmalar arasında əsas məsələ hövzənin əsası və mahiyyətidir ki, bu da xüsusi əhəmiyyətə malikdir və diqqət mərkəzində saxlanılmalıdır.
Ayətullah Ərafi hövzənin əsas mahiyyətinə toxunaraq vurğulayıb: Hövzənin əsas və mühüm ənənələri ilə onun geniş bir-birini dəstəkləməli və qorunmalıdır. Eyni zamanda əsas nəzəriyyələr, tədqiqatlar və problemlərin həlli fəaliyyəti də həyata keçirilməlidir. Bu yanaşma həm hövzənin idarəçiliyinə, həm də cəmiyyətə yönəlikdir və bu bir neçə yanaşma bir-birini tamamlamalıdır.
Elmi Hövzələrin rektoru, həyata keçirilmiş mühüm və təsirli işlərə diqqət çəkərək bildirib: Hövzədə hazırlanmış və icra olunmuş ən qiymətli və əhəmiyyətli işlərdən biri Rəhbərlik Şuralarının yaradılmasıdır. Bu yolla hövzə üçün idarəetmənin mərkəzinə çıxış yolu açılmış, elmi və məntiqi əsaslarla öz mövqeyini ortaya qoymaq imkanı təmin edilmişdir. Digər bir istiqamət isə əlaqələndirmə mərkəzlərinin yaradılmasıdır ki, burada hövzə ilə dövlət sistemi arasında əməkdaşlıq qurulmuş və müxtəlif fəaliyyətlər həyata keçirilir.
O, davam edərək bildirib: Xarici dərslərin inkişafı, ixtisas və fakultələrin genişləndirilməsi, sərbəst dərslərin qeydiyyatı, əsas vəzifələrə yönəlmiş mükafatların hədəfə alınması, tədqiqatçılar sistemi və tədqiqatçıların reytinqi və s. həyata keçirilmiş digər mühüm tədbirlərdir.
Ayətullah Ərafi yekun olaraq bildirib: Biz yalnız nəticəni əldə etmək istəmirik, missiyamız güclü və səmərəli kadrlar yetişdirməkdir. Bu şəxslər dərs prosesində müəyyən edilməli və dəstəklənməlidirlər.
Xəbərin sonu
Rəyiniz